لە سایەی ئە دۆخە نالەبارەی كە عێراقی تێدا بوو ، بە تایبەتی هەرێمی كوردستان دوای شۆرشی رزگار خوازی نەتەوەكەمان لە ستەم و نادادپەروەری لەژێر ئەو دەستە پۆڵاین ئاسنینەی كەبە سەرماندا سەپێنرابوو، توانیمان بچینە ناو بازاری ئازادی ئەو كاتە و دەست بكەین بە كاركردن لە بواری بازرگانی لە سەرەتاوە بە شێوەكی بچووك و لە شوێنێكی بچووكدا دەست بە كار بووین لە ناوچەی پیشەسازی باشوور لە هەولێر وە لە مانگی تەمووزی ساڵی ١٩٩٤ لە كاتێك دا ئێمە قوتابی زانكۆ بووین و دەبوایە هاوسەنگی نێوان خوێندن و دابینكردنی خەرجیەكان بكەین بۆ بەردەوام بوونمان لە خوێندنی زانكۆ

‎لە سەرەتادا دەستمان بە واشەر برین كرد بۆ ئامێرە كشتوكاڵیەكان چونكە لەو كاتەدا بواری ئەوە نەبوو كەرستە و مەواد هاوردە بكەین لە دەرەوە ، مامەڵەی كرین و فڕۆشتنی ئەو كات

‎تەنها بریتیبوو لەو كەرەستانەی مابۆوە لە بازاردا وە پێشتر هاوردە كرابوون وە ئەو كات بازار زۆر پێویستی بە مەواد هەبوو وە داواكاری خەڵك زۆربوو ،بۆیە خەڵك ناچاربوو كە داهێنان بكات و زیاتر بیر و هۆشی خۆی بخاتە كاڕ بۆ دۆزینەوە چارەسەر بۆ ئەو چیشانەی كە دوو چاری دەبوونەوە بۆ ئەوەی ئەو شتانەی كە هەیە لە بازارەكاندا كاری خۆی جێبەجێ بكات و وە دەڵێن ( ناچاری و پێویستی باشترین داهێنان دێنێتە كایەوە )

‎بۆیە پشتیوان بە خودا پاشان بە هەوڵ و كۆششی خۆمان وە بە ئارامگرتن توانیمان بازارسازیەك بۆ خۆمان دروست بكەین و متمانەی خەڵك و بازار بە دەست بێنین و مامەڵەیەكی راست و دروست بكەینە پێشەنگی خۆمان ، پاشان هەستاین جگە لە فراوان كردنی شوێنی كاركردنمان كار و ئیشەكانمان فراوان كرد توانیمان چەند بڕگەیەكی زۆر و پێویست بۆ ئامێرە كشتوكاڵیەكان زیاد بكەین و پاشان كەرستەی ڕۆژانەی دەستی (العدد اليدوية اليومية ) كە زۆر بەكار دێت و پاشان ئامێری كەپسكردنی سۆندە و كێبڵ و زۆربەی ئەو پێداویستیانەی كە خەڵكی بەكاری دەهێنێت لە ناوچەی پیشەسازی باشوور

‎لە دوای چەند ساڵیك بازاری كەرستەی كۆمپانیا و پاڵاوگە نەوتیەكان دەستی پێكرد بۆیە توانیمان بە سەركەوتوانە بچینە ناو بازرگانی كەرستەی كێڵگە و پاڵاوگەی نەوتیەكان كارەكانمان فراوانتر بكەین ئەویش بە هاوردە كردنی مەواد لە صین و توركیا و دوبەی وئێران و سوریا ( دوای ئەوەی كارەكانمان تەنها لە ناو هەردوو شاری بەغدا و موصلی عێراقدا

‎وە ئێستا سوپاس بۆ خودا ڕێژەی (%٨٠) ئەو كەرستە و  مەوادانەی  هاوردەی دەكەین لە دەرەوی عێراق و بە تایبەتی لە وڵاتی صین  بە ڵۆگۆی تایبەت بە خۆمان لەبەر ئەمە كەرستەكانمان لە بازاردا لە پێشوەیەو لەشارەكانی عێراق و هەرێمی كوردستان بڵاو بۆتەوە و داواكاری زۆری لەسەرە چونكە لای ئێمە گرینگیدان بە كوالێتی و نرخی گونجاوو تەنها ڕێگایە بۆ زامن كردنی مانەوەمان لە ناو بازاردا.